Agorwyd y tymor ar nodyn uchel iawn gyda’r ‘Cymry yn Llundain’ yn chwarae tîm Gogledd Cymru yma ar ein maes ni ym
Modegroes, a mawr fu’r paratoi am y gêm fawr. Dyma oedd gan y Cadeirydd, Wil Martin i ddweud yn y rhaglen.
Bydd deuddegfed tymor Clwb Rygbi Pwllheli'n cychwyn ar yr 2ail o Medi yn y modd mwyaf cyffrous posibl gydag ymwleiad parti o
Glwb Rygbi Y Cymry yn Llundain. Mae'r Clwb wedi cyflawni llawer iawn mewn cyfnod cymharol fyr, ac mae hynny'n deyrnged i'r
Pwyllgor Rheoli sydd ers y cychwyn wedi cadw traed pawb ar y ddeuar.
Mae'n bleser ac yn fraint i mi gael estyn croeso cynnes iawn i'n gwesteion alltud o Lundain a'n ffrindiau o Ogledd Cymru.
Rwy'n falch fod y fintai Ogleddol yn Llundain wedi gallu perswadio'n gwesteion enwog i
ddod i chwarae ym Modegroes. Gobeithiaf yn fawr
y bydd disgrifiad David Parry Jones o Bwllheli fel 'tref lan y mor gysglyd ym mhen draw Llyn' wedi colli'r gair 'cysglyd' erbyn
diwedd y noson.
Pur anaml bydd y Gogledd yn cyd-chwarae i gymharu a'u gwrthwynebwyr ond un fantais sydd ganddynt yw cael Mr Tony Gray yn
hyfforddwr. Mae ei ddawn fel chwaraewr yn wybyddus i bawb yn y Gogledd, ac mae ei brofiad
a'i allu'n amlwg wrth edrych ar safon uchel tîm y Brifysgol ym Mangor.
Mae yna nifer o Bwllheli yn rhengoedd y Gogledd a bydd y gem yma yn siwr o fod gyda'r galetaf y byddent wedi'i chwarae eto.
Rwy'n siwr o fod yn ategu teimlad pawb o'r ardal hon wrth obeithio'r gorau iddynt yn y gem.
Mae Parti Cymry Llundain yn byrlymu a thalent, gymaint felly fel y byddai'n amhosibl gwneud cyfiawnder a nhw
wrth fanylu. Mae eu
trefniadau ar ac oddiar y cae o'r gradd flaenaf a gobeithiwn allu dysgu ychydig o'r profiad hwn. Yn eu capten,
Clive Rees mae ganddynt
un o'r asgellwyr cyflymaf erioed i chwarae i Gymru ac nid cyd-ddigwyddiad mai ei lun ef sydd ar flaen y rhaglen hon.
Dymunwn yn dda iddo yn ei flwyddyn fel capten.
Mae'r ymweliad hon wedi creu llawer o ddiddordeb achryn gynnwrf yn lleol, ac fel Clwb iau,
(sydd wedi gwneud cais am uwch statws) mae
wedi golygu galw ar adnoddau o sawl cyfeiriad i lwyfanu digwyddiad o'r fath.
Mae'r degawd diwetha wedi gweld chwyldro o fewn y gêm Ngogledd Cymru a naw'r efallai yw'r amser i eistedd yn ol am funud i
feddwl sut y gallwn symud ymlaen i'r lefel nesaf. Mae yna ddigon o dalent naturiol i'w gael ond onibai fod hwn yn cael
ei feithrin a'i annog yn ofalus fedrwn ni disgwyl parhau i wella.
Mae fy nyled yn fawr i gefnogwyr Pwllheli ac i haelioni'r noddwyr sydd wedi'i gwneud hyn i gyd yn bosibl
I ddiweddu hoffwn roi croeso cynnes i chwaraewyr a swyddogion y ddau dim ac i ddymuno tymor llwyddianus i bawb.
Wil Martin CADEIRYDD CLWB RYGBI PWLLHELI
