Dim cae, dim kit, dim pres a fawr o glem sut i chwarae’r gêm. Disgrifiad gweddol agos i’r marc yn y cyfnod cychwynnol
mae'n siwr. Be oedd gan hogia Pwllheli i ganslo'r gwendidau yma oedd llond trol o frwdfrydedd ac un neu ddau o
gymeriadau mae dal son amdanynt dros ddeg mlynedd ar hugain yn ddiweddarach.
Tu ôl i bob tîm da mae yna bwyllgor gweithgar a dyna’n union sicrhaodd Pwllheli yn y cychwyn cyntaf.
Llywydd : Yr Athro
Emeritus D Seaborne Davies
Cadeirydd : Eric D Lewis
Ysgrifennydd : Len Humphreys
Trysorydd : Elwyn Owen
Capten : Geraint Lloyd Williams
Is-gapten : Dei Francis Edwards
Pwyllgor : Dr E B Williams
Rhys N Jones
Gwyn T Jones
Jonathan Chapman
H Hughes
R Thomas
Paul Alderton
Cysylltwyd â’r Cyngor Tref i geisio sefydlu maes rygbi ar y Rec ond heb lwc, er y cafwyd caniatâd i ymarfer yno yn y
cychwyn. Prin iawn oedd gêmau cartref yn y tymor cyntaf, gyda’r llond llaw chwaraewyd yn cymeryd lle ar gaeau
Ysgol Glan y Môr.
Llwyddwyd i godi arian yn y flwyddyn gyntaf drwy haelioni’r Is-lywyddion a gweithgareddau megis y Ffair Basg.
Wedi hir ddisgwyl daeth Medi 2ail rownd a gêm gyntaf erioed Clwb Rygbi Pwllheli, i ffwrdd yn erbyn Llangefni. Roedd
y diweddar Len Humphreys wedi sicrhau ugain o grysau newydd sbon, hwps coch a gwyrdd, gan gwmni Jack Sharp, Lerpwl ar
gost o £2.50 yr un – premiwm o £1.01 y crys dros rhai un lliw – dim ond y gorau i Bwllheli!
Dillad newydd yn sychu ar lein Mam Wil Bing.
Dyma’r tîm yn union fel y’i sgwennwyd ar y tîm shît :
15 Campwr1 Jac Do
14 Parry Bach2 John Pent
13 Len Humphreys3 Tudor Bragdy
12 Meic Griffiths4 Wil Bing
11 Paul Alderton5 John Fawr
10 Rhys6 Dei Francis
9 Orsadd Bach7 Huw Plisman
8 Gerry
Y ddau dîm yn mynd i’r cae mewn double decker yn llawn o gefnogwyr. Llwyddodd Pwllheli ennill y gêm honno a sawl un arall yn ystod eu tymor cyntaf.
Syrthiodd yr anrhydedd o sgorio pwyntiau cyntaf Pwllheli mewn gêm swyddogol i neb llai na Mr Tudor Roberts. Fel Tudor
Bragdy neu’r Cownt Braganza yr adwaenir ef yn lleol ac mae ei ddewrder a’i sgiliau ar y cae rygbi a’r maes criced yn
wybyddus i bawb. Ychydig yn llai canmoliaethus o Tudor oedd papur bro Harlech yn dilyn gêm
arall rhwng y ddau dîm.
Fe gafodd Tudor Bragdy
Sawl cynnig at y gôl
Ond methu wnaeth ‘r hen Dudor
Am fod o dda **** all.
Setlodd Pwllheli wedyn i’w tymor cyntaf o rygbi a’r holl anawsterau ddeuai yn
sgîl hynny. Nid pawb oedd yn
fodlon chwarae pob gêm i ffwrdd o gartref, a rhwng hyn a’r anafiadau, nid hawdd oedd cael tîm bob tro. Dim ond yr annoeth
welid yn cerdded strydoedd Pwllheli rhwng un ar ddeg ac un ar ddydd Sadwrn. Y peth callaf i’w wneud byddai cadw
low profile, rhag
ofn i Ger neu Len Humphreys eich gweld. Beth bynnag i chi, un pnawn Sadwrn, a George Morton adref o’r môr, fe’i cornelwyd
rhywle rhwng y Castle a Whitehall gan Len a gorffen i fyny yn chwarae prop yn Y Rhyl.
Ymysg tîm y flwyddyn gyntaf roedd amryw o enwogion y fro a ddaeth yn enwog dros ardal llawer mwy eang na Phwllheli,
Gwynedd na hyd yn oed Cymru – ac nid bob tro am eu gorchestion ar y maes rygbi.
Roedd Papur Bro Dolgellau yn barchus iawn o Jac Do - meddwl am y tro nesaf y byddai’n rhaid ei wynebu ar y cae
rygbi
mae’n siŵr.
‘Roedd gan dîm Pwllheli
Rhyw anferth No 3
Yn colbio pobl rownd y cae
A chwerthin Hi Hi Hi.
Roedd y cylchrawn ‘Rugby World’, hyd yn oed, wedi clywed am ‘Orsadd Bach.
Pwllheli’s Captain Roberts
Claims that he is fit
But he always smells of beer
And plays in borrowed kit.
Roedd y balans shît ar ddiwedd y tymor cyntaf yn edrych yn ffafriol gydag incwm o £1044.14 a gwariant o £379.78.
Llenwyd y coffrau gan gyfraniadau’r Is-lywyddion o £484.70 ag incwm o’r Ffair Basg o £218.36. . O gysidro fod y rhan
fwyaf o’r gêmau wedi’u chwarae i ffwrdd, costau hurio bysus oedd eitem uchaf y gwariant,
a hynny'n £153.
| 
